GRAAD 8 2027 - INLIGTING
Gr 8-ouergroep
Sluit gerus by die WhatsApp-groep aan. Saaklike inligting sal vir die duur van u kind se hoërskoolloopbaan hier gedeel word:
BOODSKAP VAN DIE GRAADHOOF
Juf Juanita Booysen - Graadhoof
Liewe Graad 8’s van 2026
Ek wil julle graag welkom heet, waar jou hoërskoolpadjie begin by Hoërskool Eldoraigne.
Hierdie is ’n nuwe avontuur – een waarvoor jy dalk opgewonde, senuweeagtig, of selfs ’n bietjie bang is… en dis heeltemal normaal.
Hoërskool gaan oor groei. Julle gaan leer, val, opstaan, ontdek wie julle is – en saam met dit, ongelooflike herinneringe maak. Ek wil hê julle moet van die begin af weet: jy hoef nie perfek te wees nie - maar ons wil hê jy moet altyd jou beste gee. Gee jou beste op akademiese vlak, raak betrokke by al die aktwiteite, hanteer ander, en mekaar, met respek – en geniet elke oomblik.
Ons is hier om julle te ondersteun, te help en julle aan te moedig wanneer dit nodig is. Jy is nie alleen nie – ons sien so uit om elkeen te leer ken en om saam te droom oor die jong volwassene wat jy besig is om te word.
Sien julle binnekort – en geniet die laaste stukkie van graad 7!
“Don’t count the days, make the days count” - Muhammad Ali
BOODSKAP VAN DIE HOOF
’N NUWE HOOFSTUK BEGIN BY ELDORAIGNE!
Beste Graad 7-leerder en ouer
Elke jong mens het iets besonders om te bied. ’n Unieke talent, ’n droom wat wag om waar te word en die potensiaal om ’n verskil te maak. By Hoërskool Eldoraigne glo ons dat ware sukses daarin lê om hierdie uniekheid raak te sien, te ontwikkel en die geleentheid te bied om dit ten volle uit te leef.
In 2027 begin ’n nuwe groep leerders hul hoërskoolreis. Vir julle lê daar ’n wêreld van nuwe geleenthede, uitdagings, vriendskappe en onvergeetlike ervarings voor. Dit is die begin van ’n hoofstuk waarin julle nie net gaan leer en groei nie, maar ook gaan ontdek wie julle is en wat julle kan bereik.
Eldoraigne is meer as ’n skool – dit is ’n identiteit, ’n tradisie en ’n gemeenskap waarop ons trots is. Ons dra ons kleure met trots, koester ons waardes en streef daarna om op elke terrein die beste van onsself te gee. Ons akademiese prestasies, sporttradisie en kulturele uitnemendheid is deel van ons storie, maar ons grootste trots lê in die mense wat hierdie storie elke dag help skryf.
Ons wil hê dat elke leerder wat by ons instap, moet voel: Ek behoort hier. Ek het ’n plek. Ek kan ’n verskil maak. Ons verwag toewyding, respek, verantwoordelikheid en deursettingsvermoë, maar ons bied ook ’n omgewing waarin jongmense aangemoedig word om hul grense te verskuif, hul talente te ontwikkel en met selfvertroue hul eie pad te vind.
Ons strewe is om leerders nie bloot vir môre voor te berei nie, maar om jongmense te vorm wat met karakter, selfvertroue en ’n sterk waardesisteem die wêreld tegemoetgaan. Want by Eldoraigne gaan dit nie net daaroor om sukses te behaal nie, maar ook oor wie jy word op pad na daardie sukses.
Aan elke voornemende Graad 8-leerder van 2027: bring jou drome, jou energie en jou uniekheid saam. Wees bereid om deel te neem, uitdagings aan te pak en jou volle potensiaal te ontsluit. Hier kry jy die geleentheid om jou eie merk te maak en terselfdertyd deel te word van iets groter as jouself.
Ons is trots op wie ons is, ons glo in wat ons kan bereik en ons bou saam aan wat nog voorlê.
Mag 2027 vir jou die begin wees van ’n besondere reis – een vol groei, geleenthede en trots.
Welkom by Hoërskool Eldoraigne. Hier begin jou volgende hoofstuk.
Met trots en vertroue in die toekoms,
Mnr. Retief Smith
Skoolhoof
BASIESE BENODIGHEDE
Standaard Skryfbehoeftes (vepligtend)
Die basiese skryfbehoeftes wat leerders in elke klas benodig:
- Blou Medium Penne
- Liniaal (Lank en kort)
- Glimpen
- Gryspotlood
- Uitveër
- Gom
- Skêr
- Skerpmaker
- Sakrekenaar – (Casio fx-82ZA PLUS) / PLUS II
- Gradeboog
U is welkom om die skryfbehoeftes by enige handerlaar aan te skaf.
Skryfbehoeftes - Kreatiewe Kunste (verpligte vak)
- 4 x A4 plastiek lêersakkies
- 1 x HB grys potlood
- 1 x 2B grys potlood
- Uitveër
- Skerpmaker
- Inkleurpotlode, waterverf-potlode (minimum 12 potlood-pakkie)
- Skêr
- Gom (bv. Pritt)
- Akriel-verf vir 3D projekte (vanaf Kwartaal 2): wit, swart, geel, rooi en blou.
- Kwas: Dala no. 10 (plat of ronde kop kwas)
- Opsioneel: Klein kwas bv. Dala no.2
Hierdie items moet asb. mooi opgepas word sodat dit in beide junior jare gebruik kan word.
- 1 – 8 moet in die leerder se tas wees vir elke SK periode.
- 9 – 11 kan by die huis wees en van daar gebruik word.
Aan die einde van elke kwartaal sal die SK onderwyser enige benodigdhede vir die komende kwartaal bespreek.
U is welkom om die skryfbehoeftes by enige handerlaar aan te skaf.
Benodighede - Tegniese Tekene (keusevak)
Standaard skryfbhehoeftes:
- Drukpotlood (0.5mm - H lood; 0.3mm - HB lood)
- Uitveër (Sagte wit)
- Stoflap (Bord en papier mee skoon te maak.)
- Driehoeke (45 en 60/30, ten minste 150mm)
- Gewone liniaal
- Passer
- Maskeerband
- Tekenbord
- Tekensak
Tekengereedskap:
Let wel: Engelse terme is in die lys gebruik om die aankope makliker te maak.
- Hebel Solid Drawing Board A3 of;
- Hebel Profi Drawing Board A3
- HSE Compass + Divider + Small Compass & Compass Spares
- Compass Attachment 0.5mm of;
- Compass Attachment 0.3mm
- Normal 30cm Ruler *
- Barrel Eraser of Pilot Hi-Polymer Eraser
- Clutch Pencil 0.5mm
- Clutch Pencil 0.3mm
- Leads 0.5mm H
- Leads 0.3mm H1
- Erasing Shield (26 holes)
- Masking Tape 12mm
- 10cm Protractor 180º
- 21cm 45º Set Square
- 21cm 60º Set Square
- Padded Bag A3
U is welkom om die skryfbehoeftes by enige handerlaar aan te skaf.
Daar is kompleet stelle wat die leerders kan bestel by die GroenKas.
Vir meer inligting stuur gerus ‘n epos aan vanniekerkc@hseldo.co.za.
Benodighede - Gasvryheidstudies (keusevak)
Welkom by Restaurant La Doraigne
- Croquembouche, Vol-au-Vent, Gateau St. Hônore, Filet Mignon, Chateaubriand, Al Denté, Pâte Sucrée, Profiteroles, Pommes Dauphine, Bief Tartare, Milanaise -
Die Hoërskool Eldoraigne lei leerders op in die fyner kunsies van voedselproduksie, asook voedsel- en drankbediening. Die vak bestaan uit twee komponente, naamlik ‘n teoretiese en ‘n praktiese komponent. Basiese kulinêre vaardighede word by die junior leerders ontwikkel, terwyl die senior leerders meer sjef-gerigte opleiding ontvang.
Die leerders benodig die volgende items wat deur die ouers aangekoop moet word:
• een wasvadoek
• twee afdroogvadoeke
• vatlappe
• kosblik om die kos in huis toe te neem
• plastieksak om nat wasvadoeke en afdroogvadoeke in te sit na prakties.
Die sjefsdrag (swart vollyf voorskoot en swart hoed) word deur die skool voorsien nadat die vakheffing betaal is. Die vakheffing beloop R600 en sluit die sjefsdrag en sentrumfooi in. Hierdie geld moet in die skoolrekening, met verwysingsnommer 910/192, inbetaal word. Die leerder se naam en van moet as verwysing gebruik word. Bewys van betaling moet per e-pos aan me. Belinda Moolman gestuur word: moolmanb@hseldo.co.za. Let wel, die sjefsdrag word einde Januarie by ‘n buite-instansie bestel en bestelling geskied slegs met betaling.
Elke leerder se naam en van word op die sjefsdrag borduur. Voltooi die volgende elektroniese vraelys om te verseker dat die leerder inligting korrek is. Die skakel is as volg: https://forms.office.com/r/BY7FjJFD90?origin=lprLink
Benodighede - Dramatiese Kunste (keusevak)
Daar is GEEN spesifieke skryfbehoeftes vir Gr 8 Dramatiese Kunste nie.
Leerlinge moet wel ‘n swart broek en hemp hê vir praktiese optredes.
Benodighede -Dansstudie (keusevak)
Swart noupassende dans uitrusting vir dans klas (swart unitard/ swart skipant en swart leotard / swart noupassend toppie)
