hseldo

Eldo's wys die blikbreine wie is baas

ventera@hseldo.co.za (Annalien Venter) — Thu, 14 Jun 2018 07:11:29 GMT

COMPUTER APPLICATIONS OLIMPIAD

Op 8 Mei het veertien Gr 12-Rekenaartoepassingstegnologie (RTT) leerders van Hoërskool Eldoraigne aan die Computer Applications Olympiad deelgeneem. Hulle het uitstekend gevaar.

Die volgende leerders verwerf:

Goud : Geo Breedt (90%), Zané Pretorius (85%) en Hermonique Weber (80%).
Silver : Dylan Casper, Elizma van Zyl en Natasha Vermeulen.
Brons : Christiaan Falk. Zurika Raubenheimer, Zelri Broodryk, Ruan Vermeulen en Johndré Berry.

Daar het altesaam 4 932 leerders landswyd aan hierdie kompetisie deelgeneem. Die leerders van Eldoraigne wat op 6 Junie aan die 2de rondte deelgeneem het op die foto van links na regs: Geo Breedt, Natasha Vermeulen, Zané Pretorius, Elizma van Zyl, Hermonique Weber en Dylan Casper (Afwesig). Die finale rondte vind in Kaapstad plaas op 26 Junie 2018.

Eldo-Langasems in die AGN-Span

ventera@hseldo.co.za (Annalien Venter) — Fri, 08 Jun 2018 11:17:14 GMT

Groot sukses vir landloopatlete by Eldo's

Tydens die afgelope seisoen gaan dit baie goed met Eldo-Landloop. Daar oefen daagliks 30 tot 40 atlete en by die groep ingesluit is daar 'n mooi groepie laerskool atlete.

Ons wens graag die volgende leerlinge geluk wat ingesluit is in die AGN-span (Atletiek Gauteng-Noord):

Dogters14 Elme Mienie
Dogters 15 Nika van Heerden en Karina Pretorius
Dogters 16 Lizaan Taljaard
Dogters 17 Anke Greyling
Seuns 15 Christiaan Oberholzer, Christian Truter en Eugene Labuscher
Seuns 17 Stefan Oberholzer, Dehan de Beer en Ian van der Merwe
Seuns 18 Ruben Laubscher

Jacques Malan - Sensazione di nuoto

ventera@hseldo.co.za (Annalien Venter) — Fri, 08 Jun 2018 11:03:14 GMT

Eldoraigne se swemsensasie!

Jacques Malan (Gr.10) behaal die volgende prestasies:

· Neem gedurende Maart 2018 deel aan die SA Junior swem Kampioenskappe in Durban.

· Hy kwalifiseer vir die SA Senior Kampioenskappe en verteenwoordig Noord Gauteng by die byeenkoms.

· Tydens die byeenkoms kwalifiseer hy as lid van ‘n uitnodiging span van Gauteng wat in Junie in Italië gaan deelneem.

Katja Lang - Judoka met skop

ventera@hseldo.co.za (Annalien Venter) — Fri, 08 Jun 2018 08:41:27 GMT

Van Berlyn tot Burundi

Katja Lang ‘n graad 11 leerling in Hoërskool Eldoraigne, het bewys dat sy nie terugstaan vir ‘n groot uitdaging nie. SA Judo staan eintlik in sy kinderskoene in vergelyking met die geleenthede en hoeveelheid kompetisies waaraan ander lande se Judokas kan deelneem, daarom dat Katja elke geleentheid wat sy kry heelhartig aangryp. Katja het in die laaste paar maande aan verskeie Judo kampioenskappe oorsee deelgeneem waaronder andere die Tunisië IJF Cadet African Judo Cup en die African Judo Cadet Kampioenskap in Burundi. Sy presteer uitsonderlik goed as ‘n mens in ag neem dat sy sonder haar afrigter en ondersteuningstelsel moes toer. Sy neem ook onder andere in Tunisië deel met ‘n besering wat sy vroeër opgedoen het in Berlyn, Duitsland by ‘n oefenkamp in Maart. Judo Cadets is 0/17’s en sy en ‘n ander cadet was die enigstes wat in Burundi ook aan die Juniors (0/21) deelgeneem het. In hierdie kampioenskap verower sy die toekenning as die beste SA Judoka vir die hele kompetisie. Sy neem ook verder deel aan die spankompetisies. Suid-Afrika se spanne maak SA Judo geskiedenis deurdat al die spanne vir die eerste keer medaljes kon verower.

Katja Lang verwerf die volgende medaljes tydens die Judo internasionale Kompetisies:

o Goud 0/17 in Tunisië

o Silwer 0/17 in Burundi

o Brons 0/21 in Burundi

o Brons span 0/17 in Burundi

o Brons span 0/21 in Burundi

Die iGeneration in EDEN?

ventera@hseldo.co.za (Annalien Venter) — Tue, 29 May 2018 13:37:01 GMT

Toneel Presteer in Afrikaans, in Engelse Prestige Kompetsie

Hoërskool Eldoraigne het 2 tonele gehad wat vandeesmaand aan die dertiende Festival of Excellence in Dramatic Arts (FEDA) deelgeneem het. Dramatiese Kunste is een van die hoërgraad vakke wat deesdae baie aftrek by Eldoraigne kry, en dit is verseker te danke aan die hoë standaard kompetisies waaraan hulle deelneem. FEDA is beslis een daarvan. Hoërskool Eldoraigne was van die uitgelese skole wat vir die tweede jaar uitgenooi is om deel te neem. Skole word slegs genooi na aanleiding van die reputasie van hul Drama Departement. ‘n Uitstaande prestasie in eie reg omdat FEDA ‘n toneelkompetisie is waar hoofsaaklik Engelse Privaatskole mekaar die stryd aan sê.

Twee van Hoërskool Eldoraigne se tonele het die pad na Johannesburg aangedurf om aan die toneelkompetisie deel te neem. Eldoraigne se toneelspelers het gewys dat hulle vir geen privaatskool hoef terug te staan nie, en het nege nominasies en ‘n verdere drie toekennings ingepalm tydens hierdie fees met hul Afrikaanse produksies iGeneration en EDEN . Die Toneel EDEN het die toekennings vir Beste Beligtingsontwerp, Beste Choreografie en Beste Nuutgeskrewe teks ingepalm en was ook aangewys as een van die Top ses toneelstukke (uit 65 ander stukke) van die fees – glad nie sleg vir ‘n Afrikaanse toneel tussen 65 Engelse Privaatskole nie!

Daar is leerlinge wat aan FEDA deelgeneem het, wat al selfs in London en Los Angeles gaan studeer het. Eldoraigne se toneelspelers is dus bestem vir groot dinge.

Eldo gaan NASA toe

ventera@hseldo.co.za (Annalien Venter) — Thu, 08 Feb 2018 13:40:14 GMT

Is Llewellyn dalk die volgende Mark Shuttleworth?

Llewellyn Coetzer gaan na ‘n leierskap akademie by NASA se vuurpyl museum te Huntsville, Alabama in die VSA. Hierdie akademie word deur Honeywell geborg en vind plaas vanaf 24 Februarie 2018 tot 2 Maart 2018.

Gedurende hierdie kursus gaan Llewellyn blootgestel word aan verskeie vlugnabootsers, fisiese aktiwiteite wat hul leer om as ‘n span saam te werk en ook nabootsing van ruimte wandel ervaar. Op hierdie manier word student in ‘n veilige omgewing onder druk geplaas en geleer hoe om as ‘n leier op te tree.

Die Honeywell Leadership Challenge Academy is ‘n verrykingsprogram wat fokus op ontwikkeling van studente op die volgende vlakke: die grondslag van leierskap te verstaan, effektiewe kommunikasie, en spanwerk terwyl hulle deelneem aan wetenskap-, tegnologie-, ingenieurswese- en wiskundewerkswinkels. Leerlinge word te alle tye vergesel deur lede van die VSA Ruimte en Vuurpyl Sentrum.

Llewellyn sal dan ook saam met sy spanmaats van Suid-Afrika ons land verteenwoordig, en Hoërskool Eldoraigne se naam ‘hoog’ hou. Ons wapen verteenwoordig nie verniet die Suiderkruis nie. Llewellyn se toewyding en amibisie is vir ons noemenswaardig en ons is trots hoe hy sy drome en passie aktief na streef. Wie weet dalk is hy ons volgende Mark Shuttleworth.

Eldo-Interhuis Atletiek 2018

ventera@hseldo.co.za (Annalien Venter) — Mon, 22 Jan 2018 13:54:54 GMT

Die Germane, Spartane en Trojane sê mekaar die stryd aan.

Hoërskool Eldoraigne het hul 2018-Atletiekseisoen afgeskop met die Interhuis. Hierdie jaar is die skool verdeel in 3 spanne, die Germane (Blou), Spartane (Pers/Rooi) en Trojane (Geel). Die spanne het mekaar op die baan en op die pawiljoen die stryd aangesê. In die snikheet son het elke leerling sy beste gegee en daar kan verseker gemeld word, dat dit voorwaar ‘n baie suksesvolle byeenkoms was. Met die 1 500 plus leerlinge op en om die baan het die rekords behoorlik gespat.

Die atlete waarvan daar melding gemaak moet word is Ilana Jansen wat die 0/15-Dogters Spiesgooirekord verbeter het met ‘n afstand van 37.83m en sy behaal 939 ABSA-punte. Ilana ontvang die Beste Veld-atleettoekenning. Francois Venter gooi ‘n allemintige 14,59m in die 0/16-seuns gewigstoot en verbeter ook die rekord. Hy ontvang die Beste Veld-atleettoekenning. Die Beste Baanatleet, Senior Victric Ludorum en Atleet van die Byeenkoms, Antoinette van der Merwe hardloop in die 100m, dogters 0/17 ‘n tyd van 11.90s en verbreek sodoende ook die rekord. Sy behaal 2574 punte op die ABSA-punte vir die dag se deelname.

Ons wens ook die volgende leerlinge geluk met hul individuele toekennings vir die byeenkoms, Beste Junior Seuns Baanatleet: Christiaan Oberholzer (0/15 800m), Beste Junior Dogters Baanatleet: Amoné Venter (0/14 200m), Beste Senior Seuns Baanatleet: Zandré du Toit (0/16 200m), Junior Victrix Ludorum: Amoné Venter, Junior Victor Ludorum: Keagan Hunter, Senior Victor Ludorum: Rico Coetzee.

Aan die einde van die baie warm dag is die geesbeker aan die Germane toegeken, maar die Trojane het gewys dat hulle die wilskrag het as dit kom by spierebult op en om die atletiekbaan. Hoërskool Eldoraigne se atletiekseisoen begin volgende week met ‘n tuisbyeenkoms.

Eldoraigne Redenaars en Orators... ons laat ons woorde tel!

ventera@hseldo.co.za (Annalien Venter) — Mon, 13 Nov 2017 06:18:55 GMT

Eldo's maak hul stemme dik.

Hoërskool Eldoraigne se Redenaars en Orators het in 2017 hul stem dik gemaak op alle vlakke.

Tydens die ATKV se eerste rondte het agtien leerders puik presteer en veertien leerders het deurgedring na die semi-finaal. Al ses die voorbereide sprekers het die paal gehaal en onder die top tien geeïndig. Die leerders was selfversekerd en baie goed voorbereid en selfs die onvoorbereide deelnemers het almal op die voorpunte van hulle stoele laat sit. Christiaan Roux en Jean-Minique White het Eldoriagne op 19 Augustus 2017 in Goudini in die Kaap verteenwoordig by die finale rondte van die kompetisie. Hierdie is ‘n ongelooflike prestasie en ons glo Christiaan en Jean-Minique gaan nog groot skares met hulle woord betower.

Die Van Huysteens Redenaarsfees was inderdaad ‘n fees vir die oor! Eldoraigne se redenaars was een van die suksesvolste skole in die kompetisie. Ons wil veral melding maak van die matriekleerders. Hierdie span het vir vyf jaar in ‘n ry, die Tweetalige Spankompetisie gewen. ‘n Totaal van vier spanne en vier leerlinge spog elkeen met ‘n gesogte Van Huyssteens hamertjie.

Oppie Tong Af is vir die dapperes en die kreatiewes wat bereid is om te waag. Die hooffokus is om sprekers te kweek wat die planeet en sy inwoners in die bek kan ruk en sodoende die land en die wêreld kan verander deur te praat waaroor elke spreker sterk voel. Dit is dan presies wat Eldoraigne se Redenaars en Orators vanjaar by die kompetisie gedoen het. Ons het 40 leerders vir die kompetisie ingeskryf. Hulle het individueel of in spanne deelgeneem en tydens die eerste rondte 9 A++, 12 A+, 4A’s, 3 B+ en 1B verower.

By die Nasionaal-finaal het Eldoraigne wel deeglik hul stempel afgedruk. Ons palm tien eerste plekke, twee 2de en twee 3de in die Hoërskole afdeling in.

Laaste maar nie die minste nie het Eldo’s ook aan die Radikale Redenaarsfees deelgeneem en 24 individue en twee spanne het aan die kompetisie deelgeneem. Die uitslae was goed en vyf individue en twee spanne het na die Gauteng-finaal deurgedring! Miné Smit, graad 11, en die graad 8-span, Christiaan Roux, Liné Crafford, Leandré van Dijk en Michelle Bester het na die Nasionale-finaal deurgedring.

Ons is trots op elke leerder wat ook in dié leerervaring presteer en gegroei het. Ons kan voorwaar sê dat Hoërskool Eldoraigne ‘n top jaar gehad het as dit kom by redeneer en het verseker hul woorde getel en laat tel, waar dit saak maak.

Eldo Toneel maak golwe in die kultuur bedryf

ventera@hseldo.co.za (Annalien Venter) — Mon, 18 Sep 2017 11:09:59 GMT

Aardklop en ATKV Tienertoneel hier kom ons!

In 2017 het 'n allermintige 29 tonele uit Eldoraigne se kultuurdepartment gekom. Na die interne toneelkompetisie is 5 van die beste tonele gekies en is hulle op verskeie platvorms geleentheid gegee om hulle talente uit te leef.

Na baie ure en kilometers is ons top 3 tonele, KZ, Dubbelloop en Prediker die tonele wat ons naam hoog gehou het by die ATKV Tienertoneel kompetisie uitdunne regoor die provinsie. Ons top 5 tonele het ook tydens die Tshwane Toneelfees opgetree en na die fees is trots om te kan sê dat KZ deurgedring het na die ATKV Pronk Podium tydens die 2017 Aardklop fees.

Dus, as jy enigsins getwyfel het maak Eldoraigne Kultuur skoonskip as dit kom by toneel. Eerskomende Oktober vakansie reis die toneel geselskappe van Prediker 3 en KZ die land plat tussen Aardklop en die ATKV Tienertoneel se landswye finaal. Baie dankie aan almal se insette, harde oefening en tyd wat julle ingesit het om hierdie geleentheid te kan aangryp. Ons hou vir julle baie styf duimvas.

Eldo's die kultuurfontein van Centurion!

Eldoraigne se HOOF perderuiter verjaar!

ventera@hseldo.co.za (Annalien Venter) — Fri, 15 Sep 2017 00:00:00 GMT

Colour of Eldo July

Dit was Vrydag vir ons skool 'n groot voorreg om ons skoolhoof en ook hoofruiter van Hoërskool Eldoraigne se verjaardag te vier. Die tema, Colour of Eldo July het almal in rooi en blou getooi in 'n perde bui gehad. Die VLR het ingeloop gekom met 'n banier en is gevolg deur twee van ons eie perderuiters op hul eie perde, waarna die LR in hul mooiste formele drag getooi gevolg het. Dr. Prinsloo en sy vrou het ingery gekom met 'n outydse motor.

Die spesiale dag is gevier met sang, dans en speletjies. Wie sou nou kon raai dat doktor Prinsloo na Miley Cyrus se musiek luister! En 'n kranige rugbyspeler was op skool. Ons het ook die top perderesies agent LP verwelkom op die rooibank saam met die eregaste.

Baie geluk doktor, die klok het gelui vir u nuwe lewensjaar! Mag die jaar wat voorlê net besaai wees met vreugdevolle dae en baie sukses hier by die Eldoraigne Resiesbaan.